Nag-boluntaryo ang Espanya nga maghatag sang $3.8 million ukon P214.14-million nga ayuda sa United Nations Relief and Works Agency for Palestine Refugees.
Gin-anunsyo ini ni Foreign Minister Jose Manuel Albares kasunod sang pagsuspinde sang major donors sa paghatag sang pondo sa amo nga ahensya bangud sa nadiskubrehan sang Israel nga 12 sa Palestinian employees ang may yara sang involvement sa pag-atake sang Hamas sa southern Israel sang Oktubre 7.
Lakip sa nag-untat sa paghatag sang pondo amo ang Estados Unidos sang Amerika kag ang Germany.
Apang naghatag sang ayuda ang Espanya bangud nagapati ini nga maparalisa na ang humanitarian activities sa Gaza sa masunod nga sinemana kun wala sang magbulig sa ila.
Ang Portugal ang nag-anunsyo man sang dugang nga ayuda sa amo nga ahensya kag nagpaathag nga importante nga indi pagtalikdan ang Palestine sa sini nga mabudlay nga tinion.#
(AFP via Times of Israel)
