GUIMARAS- Nasapwan nga nagalutaw kag wala na sang kabuhi ang isa ka tigulang nga manugpangisda sa kalalawran nga sakop sang Sitio Catilaran, Magamay, Nueva Valencia, Guimaras.
Ang biktima amo si Rene Javelina, 62 anyos, residente sang Brgy. Napandong sa amo man nga banwa.
Suno sa mga residente sa lugar, posible nga nahulog si Javelina sa iya gamay nga motorized banca kag nalumos.
Nagaandar pa ang motorized banca nga ginagamit niya sa pagpangisda sang nakit-an nga wala ini sang sakay nga tawo.
