ILOILO CITY – Napanagtag na ang mga dugang nga Personal Proctective Equipments kag galon sang alcohol sa nagkalain-lain nga ospital sa Western Visayas nga gikan sa opisina ni Vice President Leni Robredo.
Sa interview sang Bombo Radyo kay 3rd District Board Member Jason Gonzales, iya ginpahayag paagi sa iya nga opisina napanagtag na ang nasambit nga donasyon ni Vice President Robredo.
Suno kay Gonzales, lima ka mga ospital sa syudad sang Iloilo ang nakabaton sang Personal Proctective Equipments kag galon sang alcohol.
Ini amo ang West Visayas State University Medical Center, Western Visayas Medical Center, Qualimed Hospital Iloilo, Western Visayas Sanitarium, kag St. Paul’s Hospital.
Dugang sang natungdan, magapadulong pa sa Capiz, Antique kag iban pa nga probinsya sa Western Visayas ang iya nga mga staffs agud mapanagtag ang donasyon sang bise presidente.
