10 na ka bangkay ang na-recover sang search and rescue officials matapos naglugdang ang barko sa eastern province sang North Maluku, Indonesia.
77 ka mga tawo ang sakay sang amo nga pssenger ship sang natabo ang paglugdang sang Lunes sang gab-i apang 64 lang ang una nga na-rescue nga buhi.
Sa padayon sang search operation, nakit-an ang bangkay sang mga missing kag tatlo subong ang padayon pa nga ginapangita.
Suno kay Bombo International Correspondent Gina Vella Cumla direkta sa Jakarta, Indonesia, ginabasol subong ang miscommunication nga natabo nga rason kun ngaa inoras pa ang ginlawig halin sang na-umpisahan ang search and recue.
Suno kay Cumla, gamay lang nga barko ang ginasakyan sang mga pasahero kag madasig nga naglugdang bangud sa malain nga tyempo.
Komon ang marine accidents sa Indonesia kag nagasalig ang mga tawo sa ferries kag magagmay nga mga sakayang-pandagat agud nga magbyahe bisan pa nga may talalupangdon nga pigado nga safety standards.
