Pabor ang Liga ng mga Barangay President sang Iloilo City sa extension sang termino sang mga barangay officials.
Sa interview sang Bombo Radyo kay Punong Barangay Ma. Irene Ong, Presidente sang Liga ng mga Barangay sa Iloilo, iya ginpahayag nga ang extension ang mahimo magamit sang mga opisyal agud nga matapos ang mga proyekto.
Suno kay Ong, isa man ka kahigayon ang tikang agud nga mahanas ang mga opisyales sang barangay ilabi na ang bag-uhanon.
Ginpahayag man sini nga apisar may ginapatuman na nga Barangay Newly Elected Official training, may yara sa gihapon nga mga opisyal ang indi makahibalo magpamuno.
Sa idalom sang amo nga programa, may tutorial ang talatapan nga naga-edukar sa mga opisyal sa ila development plan.
Nahibaluan nga sa idalom sang House Bill 11287, ginaduso nga ma-extend ang termino sang mga barangay kag Sangguniang Kabataan officials sa anom ka tuig halin sa tatlo ka tuig.
