Nagsabat ang bata ni President Ferdinand Marcos Jr. nga si Ilocos Norte Representative Sandro Marcos nga wala sang dapat nga ika-tingala kun ngaa siya ang una nga nagpirma agud nga ma-impeach sa Kamara si Vice President Sara Duterte.
Indi na ini makakilibot suno kay Sandro ilabi na sa mga ginpanghambal ni Sara sa iya pamilya.
Ginhalimbawa sini ang statement anay ni Sara sang Oktubre 2024 nga kalkalon ang bangkay sang iya Lolo nga si the late President Ferdinand E. Marcos, Sr. sa Libingan ng mga Bayani kag itagbong sa West Philippine Sea.
Ikaduha suno kay Sandro amo ang pahayag ni Sara nga kun may magpatay sa iya, may ginmanduan man ini nga patyon si President Marcos, First Lady Liza Marcos, kag House Speaker Martin Romualdez.
“Alangan naman kung sasabihin ng tao na gusto silang hukayin yung lolo mo at itapon ‘yung katawan sa West Philippine Sea, sasabihin niya gusto niyang patayin ang Pangulo at ang First Lady na aking [mga] magulang at gusto niyang patayin ang Speaker, eh bakit naman nagugulat ang tao na pipirma ko diyan?” paathag sang mamalidha.
Suno sa kongresista, indi dapat pagbalewalaon ang kaangay sini nga mga statement ilabi na kun halin ini sa tawo nga may mataas nga posisyon.
“Bakit naman nagugulat ang tao na pipirma ako diyan? You know, these are statements that cannot be taken lightly, especially from someone in such a high position,” dugang sini. “Of course, I’ll be the first one to sign. That should come as no surprise.”
Si Sandro amo ang subang nga bata sang presidente kag first lady, kag hinablos man siya ni Romualdez.
Ginpakigbahin man sini nga ginlaygayan siya sang iya amay nga himuon lamang ang iya trabaho bilang congressman kag sundon kun ano ang sinumpaan sa Konstitusyon. Pahayag sini, isa ka constitutional duty nga magsunod siya sa impeachment process bilang isa ka elected representative.
“Well, katulad po sa sinabi ng ating Pangulo ay nung nagpirmahan na sa impeachment complaint ay tinanong ko siya kung ano ba ang advice niya. And tama naman yung sinabi niya: ‘Do your duty as a congressman and uphold your oath to the Constitution that you swore to protect,'” dugang sini sa isa ka interview.
Sang Miyerkules, 215 ka mga mamalidha ang nagpirma para ma-impeach sa Kamara si Sara. Si Sandro ang una nga signatory kag si Romualdez naman ang katapusan nga nagpirma.
Kahapon, Pebrero 7, may yara sang House release nga nagsaad nga may 25 pa gid ka dugang nga representatives nga nagpirma man para sa impeachment — buot silingon, 240 na subong ang complainants halin sa Kamara.
Yara subong ang bola sa Senado para sa patigayunon nga impeachment trial.
