Arestado sa drug buy bust operation sa Brgy. San Rafael, Mandurriao, Iloilo City ang isa ka menor de edad nga nagaserbe nga manugdul-ong sang iligal nga droga sa ila mga parokyano.
Ang subject amo si Alyas Toto, residente sang Brgy. East Valencia, Buenavista, Guimaras.
Na-recover sang otoridad sa amo nga operasyon ang 55 gramo sang suspected shabu nga may standard drug price nga P374, 000.
Sa interview sang Bombo Radyo kay Police Captain Val Cambel, hepe sang Iloilo City Police Station 10, iya ginpahayag nga nagsugid si alias Toto nga sa probinsya sang Iloilo ini nagakuha sang iligal nga droga kag ginaduso diri sa siyudad sang Iloilo.
Gintugyan na ini sa paghinakop sang City Social Welfare and Development Office (CSWDO).
