Naubos na sa pagbaligya ang 2,300 metric tons sang imported red onions nga nag-abot sa Pilipinas sang nagligad lamang nga bulan.
Suno ini kay Department of Agriculture (DA) Assistant Secretary Arnel de Mesa nga amo man ang spokesperson sang ahensya.
Ang amo nga volume ang parte sang 4,000 MT red and white onions nga gintugutan ni Agriculture Secretary Francisco Tiu Laurel Jr. nga i-import agud nga mapanubo ang retail price sang bombay nga naglab-ot anay sa P200 per kilo sang Pebrero.
“Of the approved 1,000 MT for white onions, only 986 MT arrived in the country. For red onions, of the expected 3,000 MT, only 2,300 MT arrived,” suno kay De Mesa.
Una na nga nagdepensa ang DA sa importasyon sa tunga sang mga pagpamalabag sang grupo sang mga mangunguma. Ginsiling sang ahensya nga kinahanglan ini nga lihok para matapna ang pagpanglakaak sang presyo sa mercado.
Nagpaandam naman ang farmers’ groups nga ang imported bulbs ang mahimo magpanubo man sang farmgate price sang bombay kadungan sang harvest season.#
