Ginkoronahan bilang Miss World Philippines 2022 ang tiglawas sang Negros Occidental nga si Gwendolyne Fourniol.
Nagpangibabaw ang kaalam kag katahum ni Fourniol sa 35 ka iban pa nga kandidata sa coronation night nga ginpatigayon sa Mall of Asia Arena sa Pasay City.
Si Fourniol subong ang ginalauman nga mangin ikaduha nga Miss World — siyam ka tuig matapos nga nakuha ni Megan Young ang titulo bilang first Filipino woman nga nakaangkon sang blue crown halin sa longest-running international beauty pageant sa bilog nga kalibutan.
Yari ang iban pa nga winners sa amo nga pageant:
Miss Supranational Philippines: Alison Black sang Las Pi as City
Miss Eco International Philippines: Ashley Montenegro sang Makati City
Reina Hispanoamericana Filipina: Ingrid Santamaria sang Paranaque City
Miss Eco Teen Philippines: Beatriz McLelland sang Aklan
Miss World Philippines Tourism/First Princess: Justine Felizarta sang Marikina City
Miss World Philippines Charity/Second Princess: Cassandra Chan sang San Juan City
Ang tiglawas naman sang Iloilo Province nga si Tsina Jade Chu ang nakasulod man sa TOP 20 matapos nga nahatagan sang special award nga Ambassador of Good Will.
