Tun-an sang kampo ni Vice President Sara Duterte ang pagpasaka sang bag-o nga panumbungon batok kay Ramil Madriaga matapos nga nagtestigo ini sa impeachment hearing sa Kamara.
Suno kay Atty. Paolo Panelo Jr., legal counsel ni Duterte kaangot sa perjury complaint nga gin-file batok kay Madriaga, magapangita man sila sang mga testigo agud nga bali-on ang mga pahayag ni Madriaga nga gintawag sini nga kabutigan.
Ginpanginwala man sang kampo ni Duterte ang alegasyon ni Madriaga nga naga-angot kay Sara sa illegal campaign funding kag cash deliveries.
Suno kay Panelo, klaro nga nag-komiter si Madriaga sang perjury bangud sang pagbutig sini sa iya sinumpaan nga affidavit. Tun-an man suno sa ila ang iban pa nga posible nga i-kaso.
Si Madriaga ang self-confessed bagman ni VP Duterte nga nag-alegar nga nag-pondo sa “Inday Sara Duterte is My President (ISIP) Pilipinas” campaign ang mga drug dealer kag Philippine offshore gaming operators (POGO) operators.
Gin-alegar man sini nga wala nalab-utan 24 oras kag gin-gasto ni Sara ang confidential funds sang 2022 — baliskad sa nauna nga report nga naubos ini sa 11 ka adlaw.#
