ILOILO CITY – Gin-lift na ang deklarasyon sang state of calamity sa Iloilo City bangud sa pertussis.
Sa interview sang Bombo Radyo kay Iloilo City Councilor Rudolph Jeffrey Ganzon, chairman sang Committee on Crisis Management and Disaster Relief, iya ginpahayag nga ginrekomendar sang Iloilo City Disaster Risk Reduction and Management Council (CDRRMC) ang pag-lift sang state of calamity.
Suno kay Ganzon, wala naka-rekord ang City Health Office sang kaso sang pertussis sa sulod sang pito na ka semana.
Ang pinakaulihi suno sa konsehal nga kaso ang narekord pa sang Hunyo 28.
Ang pag-lift sang state of calamity ang ginpaboran man sang myembro sang Sangguniang Panlungsod.
